Sərnişin vaqonunun bələdçisi

Təsvir

Səfərə başlamazdan əvvəl vaqona daxili və xarici baxış keçirmək, texniki, sanitar və təhlükəsizlik baxımından hazır vəziyyətdə olmasını yoxlamaq. Vaqonda qapılar, oturacaqlar, sanitar qovşaqları, su və gigiyena vasitələri, yanğın təhlükəsizliyi avadanlıqları və digər avadanlıqların saz vəziyyətdə olmasını təmin etmək. Vaqonun isitmə, havalandırma, kondisioner, elektrik və digər mühəndis sistemlərinin işlək vəziyyətdə olmasına nəzarət etmək. Mövsümə uyğun olaraq isitmə sisteminin fasiləsiz fəaliyyətini və tələb olunan yanacaq ehtiyatının mövcudluğunu təmin etmək. İlk tibbi yardım çantasının, təmizləmə inventarlarının və digər zəruri ləvazimatların tamlığını yoxlamaq, çatışmazlıqların aradan qaldırılmasını təmin etmək. Sərnişinlərin biletlərini və zəruri hallarda şəxsiyyətini təsdiq edən sənədlərini yoxlamaq, onların vaqonda müvafiq yerlərdə əyləşdirilməsini təmin etmək. Təhlükəsizlik qaydalarına uyğun olaraq qadağan olunmuş əşyaların daşınmasının qarşısını almaq, baqaj və ev heyvanlarının müəyyən olunmuş qaydalara uyğun daşınmasına nəzarət etmək. Sərnişinlərə yüksək xidmət göstərmək, onların təhlükəsiz və rahat səfərini təmin etmək. Səfər müddətində vaqonun təmizliyinə, sanitar-gigiyenik vəziyyətinə və komfortlu temperatur rejiminə daim nəzarət etmək. Yataq yerləri olan vaqonlarda sərnişinləri yataq dəstləri ilə təmin etmək, ehtiyac yarandıqda yaşlı, əlilliyi olan, xəstə və azyaşlı uşaqları müşayiət edən sərnişinlərə kömək göstərmək. Sərnişinləri qatarın dayanacaqları, dayanma müddəti və digər zəruri məlumatlar barədə vaxtında məlumatlandırmaq. Səfər başa çatdıqdan sonra vaqonu təhvil vermək, istifadə olunmuş materialların uçotunu aparmaq və müəyyən edilmiş qaydada təhvil vermək. Növbəli iş qrafiki (daimi işi yolda keçən və gediş-gəliş xarakteri daşıyan).